Sot në ceremoninë përkujtimore të Kostandinos Kacifas, përpos familjarëve merrnin pjesë dhe përfaqësues të Omonia-s, ndërsa ai që ka folur ishte kunati i Kacifas, Vangelis Sakellarakis. Ai tha se vrasja e Kacifas do të shkojë në Gjykatën Evropiane.
Kunati i të ndjerit ka kërkuar nga autoritetet shqiptare t’ju dorëzojnë familjarëve video “që ne ta gjykojmë. Do ta çojmë çështjen në Gjykatë Evropiane. Kacifa e bëri këtë edhe për shqiptarët, sepse këtu mungon demokracia. Le ti shërbejmë miqësisë dhe jo ndarjes”, tha ai.
35-vjeçari mbeti i vrarë gjatë një përplasje me armë me policinë shqiptare, në fshatin Bularat, më 28 tetor të 2018-ës.
Familjarët e Konstandinos Kacifas kanë zhvilluar homazhet për dy vjetorin e vdekjes së tij. Homazhet janë zhvilluar në kishën e fshatit, në dy vjetorin e ndarjes nga jeta.
Familja ka kërkuar që kjo ceremoni të zhvillohej më 28 tetor, ditën dhe kur u vra, por autoritetet shqiptare nuk e kanë lejuar.
Ato kanë vendosur që ceremonia të mbahet këtë të shtunë, për të shmangur “përplasjen” me kremtimin e 28 tetorit të ditës së “JO-së”, ose ndryshe fillimi i luftës italo-greke, e cila konsiderohet nga vendi fqinj si festë kombëtare.
