Një arsimtar nga Kosova që jep lëndën e gjuhës shqipe, Zymer Haliti, përmes rreshtave ka treguar realitetin e dhimbshëm që prek jo vetëm Kosovën, por dhe Shqipërinë, atë të largimit të qytetarëve drejt vendeve perëndimore.
Haliti ka shprehur shqetësimin e tij për këtë dukuri, se si dy nxënës të tij ikën drejt Gjermanisë për një jetë më të mire, dhe banka ku ata qëndronin mbeti zbrazët.
Mirëpo, mësuesi tregon që kjo nuk mbaron me kaq. Pasi janë të shumtë nxënësit e tjerë që presin dhe ata, ashtu siç bënë shokët e tyre, të largohen shumë shpejt nga vendi.
Shkrimi i mësuesit nga Ferizaj:
DY NXËNËS S’DO TË VIJNË MA NË SHKOLLË ARSIMTAR…!
Ishte ditë e hënë,java e tretë e këtij shtatori.Si çdo ditë që shkoj në punë,si mësimdhënës i gjuhës shqipe…!Por,kjo ditë apo kjo orë sikur më lëndoi shumë,jo vetëm mua,por edhe kolegët tjerë.
Sapo shkova në klasën e tetë,i përshëndeta të gjithë dhe u ula të shkruaj orën.Dikur i pyeta nxënësit kujdestarë.
-Kush mungon ? Ata pa një pa dy më thonë! Arsimtarë dy nxënës (vëlla e motër) s’ do të vijnë ma në shkollë…!Në fillim u habita,pa ditur arsyen !?Por,ata shpejt më treguan se këta dy nxënës kanë shkuar dje për Gjermani dhe s’do të jenë ma me ne,s’do të vijë ma në shkollë…Dy karrika edhe sot mbetën bosh…!Ka shkuar arsimtar edhe ajo..e së shpejti do të shkojnë edhe kjo,edhe ai…!
Çdo ditë po thuaj në Kosovë po boshatisën shkollat,fshatrat,qytetet duke u larguar familje e individ e duke shkuar apo ikur për në perendim..!? E udhëheqësit tanë çfarë bënë për këtë dukuri…!?
Zymer Haliti,arsimtar…!
