Amerikani Robert Uodlou, ka qenë njeriu më i gjatë në histori. Ai lindi në vitin 1918 në Ilinois, dhe vdiq në vitin 1940. Gjatë 22 viteve të jetës së tij nuk rreshti së zgjaturi. Gjatësia e tij e pazakontë, 2.72 m, ishte pasojë e një anomalie në gjëndrën e hipofizës, që sekretonte nivele jonormale të hormonit të rritjes.
Gjatë shkollës fillore, mësuesit i ndërtuan një bankë të posaçme. Kur mbaroi shkollën e mesme, ishte 2.54 m i gjatë. Përmasat e pazakonta të trupit, nisën t’i shkaktonin probleme fizike. Këmbët mezi i ndjente. Por pavarësisht nga vështirësitë, nuk përdori kurrë karrige invalidi. Ndoshta ky vendim i kushtoi jetën.
I riu u bë i famshëm gjatë turneut të tij nëpër Amerikë në vitin 1936, si pjesë e një trupe cirku. Më vonë vazhdoi të paraqitej në publik gjatë festave të ndryshme. Vdiq në gjumë për shkak të një çrregullimi të sistemit imunitar.
Në funeral morën pjesë dhjetëra mijëra njerëz. Arkivoli 3 metra i gjatë u mbajt nga 12 burra, pasi bashkë me trupin e tij pajetë peshonte 500 kg.
TIRANA TODAY
