Gjatë Luftës së Ftohtë, bota ka qenë vazhdimisht pranë Luftës së Tretë Botërore. Më 17 janar 1966, një avion bombardues amerikan, u përplas me një avion çisternë gjatë një misioni mbi Detin Mesdhe. Avioni çisternë shpërtheu, duke vrarë të katër pjesëtarët e ekuipazhit.
Ndërkohë ekuipazhi i avionit B-52G, që kishte në bord 4 bomba bërthamore me hidrogjen, arriti të shpëtojë. Pilotët u hodhën me shpejtësi nga avioni me parashutë. Por njëri prej tyre, shtypi gabimisht butonin e lëshimit të bombave. Njëra prej tyre ra 5 milje larg bregut spanjoll, ndërsa 3 të tjera në fshatin Palomares, pranë qytetit të Almerias.
Fatmirësisht, vetë bomba nuk shpërtheu. Por eksplozivi që ndodhej në to po, duke e shpërndarë të gjithë poloniumin që kishin në vete. Për 3 muaj me radhë, 2.000 trupa amerikane dhe spanjolle, u angazhuan çdo ditë për të pastruar zonën. Meqë ndodhi në kulmin e Luftës së Ftohtë, ngjarja përshkallëzoi ndjeshëm tensionet mes 2 fuqive të mëdha, SHBA-së dhe Bashkimit Sovjetik.
Në mbarë botën pati protesta kundër armëve bërthamore. Qytetarët spanjollë, demonstruan kundër dhunimit të hapësirës ajrore nga avionë të pajisur me armë bërthamore. Bomba e katërt, u gjet pas disa muaj kërkimesh nga nëndetësja e vogël “Alvin”. Amerikanët angazhuan në Spanjë të gjithë agjencitë e sigurisë. Ata kishin frikë se bomba mund të gjendej më parë nga sovjetikët, të cilët mund të vidhnin sekretet e armës.
TIRANA TODAY
