Është një ritual, që ai e bën shpesh përgjatë viteve. Ramë Shabani, nuk mund ta kuptojë ende se përse ai jetoi, ndërsa vëllai i tij vdiq.
Asnjë nga të dy, nuk kishin qenë luftëtarë. Po ata ishin shqiptarë të Kosovës, dhe ky ishte një dënim me vdekje për ata që janë varrosur këtu, të rinj dhe të vjetër.
Kur kjo masakër ndodhi, vëzhguesit e paarmatosur evropianë shkuan atje, por serbët i ndaluan. Ramë Shabani dhe të tjerët, u grumbulluan në këtë oborr.
Siç mund të shihni, ata hodhën në fillim granata dhe më pas hapën zjarr mbi shtëpinë. Njerëzit po ulërinin, sidomos fëmijët.
“Mua më nxorën jashtë dhe më rrahën këtu. Pastaj, ata na urdhëruan të ecim në atë drejtim me duart pas kokës. Ashtu si të tjerët, Rama ndoqi këtë shteg, duke ardhur këtu, u ndal një moment për të ndezur një cigare, dhe pastaj kur dëgjoi të shtëna, vrapoi në atë drejtim”, thotë ai.
Pjesa tjetër kishte ardhur këtu, dhe ata ndoqën një shteg që ata e quajnë “gjurma e kuqe”.
Gurët e lyer me bojë të kuqe, shënojnë sot vendin ku u gjetën trupat e të rënëve. Dhe e gjithë kjo ngjarje u bë publike nga ky njeri.
“Nga ajo që unë pashë personalisht, nuk ngurroj ta përshkruaj ngjarjen si një masakër, dhe padyshim një krim kundër njerëzimit”, fjalët e William Walker, shënuan fillimin e një përpjekje diplomatike për zgjidhjen e krizës, që çoi deri në ndërhyrjen e NATO-s, bombardimin e trupave ushtarake serbe, ku pati ndërkohë edhe viktima në civilë.
Në Reçak, ky i ri beson se lufta kundër Serbisë ia vlejti. Bajram Hajrizi, i cili ishte vetëm 6 vjeç kur vëllai i tij 18-vjeçar u qëllua për vdekje, thotë se shumë prej udhëheqësve të Kosovës po e lënë pas dore fshatin e tij, por edhe shumë fshatra të tjerë.
“Nëse krahasojmë kontributin e Reçakut në ndërtimin e shtetit të Kosovës, mendoj se autoritetet nuk e kanë shpërblyer dhe aq sakrificën tonë. Shumë të rinj diplomohen në universitete, vetëm për të qenë më pas të papunë. Zhvillimi ekonomik, është i dobët. Çdo familje në fshatin tonë, ka një njeri në emigracion për të mbështetur pjesën tjetër”, shprehet i riu Hajrizi.
Kjo është pikëpamja e shumë shqiptarëve të Kosovës. 10 vjet pavarësi, nuk ka sjellë tek e fundit ndonjë zhvillim shumë domethënës. Dhe kështu teksa festimet vazhdojnë, numri i zhvillimeve pozitive në këtë vend të ri është i madh, por ato krahasohen me po aq zhvillime negative.
Vendi mund të ketë një normë rritje ekonomike prej 4 për qind, më e larta në rajon, por papunësia tek të rinjtë qëndron në rreth 60 për qind. Dhe gjysma e popullsisë është nën 25-vjeç.
Përveç kësaj ka shqetësime mbi korrupsionin, një tërësi çështjesh të tjera dhe ka shumë pikëpyetje mbi të ardhmen për Kosovën.
ALKET GOCE, TIRANA TODAY
