Kryetari i Frymës së Re Demokratike dhe Ish-presidenti, Bamir Topi ka përsëritur dhe një herë në media se nuk ka marrëveshje të 18 majit midis Ramës dhe Bashës, por takimi vjen për inerci të marrëveshjes që është arritur kohë më parë midis Ramës dhe Berishës. Gjithashtu, Topi tha se kryetari aktual i Partisë Demokratike, Lulzim Basha është i ndikuar totalisht nga Sali Berisha. Ndërsa për reformën në drejtësi ish-presidenti u shpreh se do të bëhet patjetër sepse shoh interesin e partnerëve strategjik.
Topi: Beteja për kodin zgjedhor është beteje substanciale. Këta nuk kanë ndërmend të thonë asgjë për te rregulluar kodin zgjedhor. Politikanët e kanë kohwn me bollëk sepse politika nuk është racionale për të menaxhuar kohën. Faj i politikës në përgjithësi por më shumë i liderit të opozitës i cili po destabilizon rolin e opozitës. Lulzim Basha është i ndikuar totalisht nga Berisha. Nuk ka pasur marrëveshje Rama Basha, por ka pasur inerci të marrëveshjes Rama-Berisha. Janë dy liderët e partive që drejtojnë partitë në mënyrë autoritare dhe janë këta dy liderë që bëjnë listat e kësaj partive.
Reforma në drejtësi do të bëhet sepse shoh interesin e partnerëve strategjik. Është reformë që duhet të shkoj paralelisht me disa reforma të tjera.
