Mathew Borges, i cili akuzohet për vrasjen e shokut të klasës kur ata ishin vetëm 15 vjeç, ka dalë përpara trupit gjykues.
I riu ka dëshmuar se e kreu këtë akt, pasi dyshonte se shoku flirtonte me të dashurën e tij në atë kohë. Sipas mediave vendase, 18-vjeçari pasi e vrau, i preu duart dhe kokën, e më pas e hodhi trupin në lumë.
“E kam vrarë… ai është i vdekur”, raportohet t’u ketë thënë ai shokëve të tij.
Trupi i viktimës Viloria-Paulino, u gjet në lumin Merrimack, nga një kalimtar i rastit. Ndërsa koka e tij, e futur në një qese plastike, u gjet disa ditë më vonë.
Ish e dashura e tij, Leilany Dejesus, tashmë 18-vjeç, tha në seancën gjyqësore se Mathew Borges u bë shumë xheloz dhe u inatos shumë kur e pa atë duke folur me viktimën në ambientet e shkollës.
Teksa shpërtheu në të qara, Dejesus dëshmoi se i dashuri i saj e sulmoi vetëm sepse foli me Viloria-Paulino.
