Pas ekzekutimit të ish-efektivit të policisë, Arben Bilali, blutë e Tiranës kanë bërë të mundur ndalimin e disa personave.
Ekzekutimi
Arben Bilali u qëllua brenda automjetit tip “Hyundai”, ndërsa ka qenë i ulur në sendiljen e pasme. Atentatorët që lëviznin me një automjet tip “Benz”, të maskuar, kanë qëlluar me breshëri automatiku nga pjesa e pasme e makinës. Ndaj 50-vjeçarit u derdhën 14 plumba. Krimi ka ndodhur pranë vendit ku u vra edhe i vëllai i viktimës, rreth 9 vite më parë.
Hetimet
Hetimet për vrasjen janë përqendruar në atë të hakmarrjes, për shkak të së kaluarës dhe atentateve që kanë pasur shënjestër familjarët e tij.
Sekuestrohen kamerat e sigurisë në zonë
Uniforma blu tashmë kanë sekuestruar kamerat e sigurisë në zonë, njëra prej të cilave ka kapur edhe lëvizjet e autorëve. Hetuesit po insistojnë më shumë tek një person i ndaluar, rreth të 30-ve.
Ai është fiksuar nga kamerat e sigurisë, duke lëvizur përgjatë zonës dhe dyshohet të jetë i përshirë në atentat. Ish-efektivi i policisë, prej kohësh i druhej një atentati. Pjesën me të madhe të kohës e kalonte në banesë, e cila monitorohet nga kamera të shumta sigurie.
20 vite që ishte larguar nga policia
50-vjeçari Bilali ka rreth 20 vite që është larguar nga radhët e policisë, ndërsa bashkëshortja e tij aktualisht është punonjëse në drejtorinë e Tiranës.
