Rasti i përdhunimit të 13 vjeçares në Kavajë, ka marrë sërish vemendjen e ish-kryeministrit Berisha, i cili ka shpërthyer pas deklaratës së ministrit të Brendshëm, Sandër Lleshaj.
Ai tha nga foltorja e Kuvendit se policia ka reaguar vetëm pas denoncimit që bëri në rrjetet sociale. Pas kësaj ngjarje shokuese, Berisha bën përgjegjës kryeministrin Rama, ku sipas tij, ka dhënë urdhër për të fshehur ngjarjen.
“Qytetarë! Sot keni para jush mazhorancën e përdhunuesve. Në një krim të shëmtuar që ndodhi në qytetin e Kavajës, përdhunim kolektiv, policia u njoftua. Policia ishte në anën e përdhunuesve dhe heshti, fshehu krimin.
Shërbimi Informativ njoftoi kryeministrin dhe ministrat respektivë. Kryeministri ishte në anën e përdhunuesve. Vasalët e tij pa moral heshtën dhe fshehën krimin. Përsëritën të njëjtin skenar këta përdhunues, si tre muaj më parë me djalin e deputetit të tyre;
Përsëritën të njëjtin rast kur një e sëmurë me AIDS sulmoi kryetarin aktual të Grupit për përdhunim….
Është dita juaj pra! Këta kanë moralin e përdhunuesve. Këta akuzojnë viktimat!”, tha Berisha.
