Është vetëm 12-vjeç dhe thjesht është një gjeni. Nëse moshatarët e tij janë ende duke luajtur, Carlos Santamaria Diaz ka plane të tjera për jetën, pasi ai është një talent i rrallë në në fushën e fizikës biomjekësore.
12-vjeçari është studenti më i ri që është pranuar në Universitetin Kombëtar Autonom të Meksikës. Djali fillimisht i është nënshtruar një provimi fizike, që më pas do t’a bënte atë pjesë të Universitetit Kombëtar të Meksikës.
Deri në moshën 9-vjeçare, ai mori pjesë në programe të ndryshme universitare, në kimi analitike, biokimi dhe biologji.
“Nuk jam një gjeni, jam një fëmijë i lumtur”, u shpreh Carlos.
Por inteligjenca e tij duket sikur nuk ka kufinj, pasi Carlos Diaz i ka ofruar disa këshilla presidentit të zgjedhur të Meksikës, Andres Manuel Lopez Obrador, për mënyrën sesi duhet ta qeverisë Meksikën.
“Së pari, do t’i thoja atij të mos bëjë të njëjtat gabime si presidentët e mëparshëm. Politikanët duhet të kujdesen për vendin, sikur kujdesen për veten. Ky vend është plot me njerëz që kanë ëndrra, dhe në të njëjtën kohë nuk i realizojnë dot ëndrrat, sepse nuk kanë mundësi”, tha ai.
Ndonëse rasti i tij është përjashtimor, ai ka kërkuar që të trajtohet i barabartë si të tjerët.
