Bashkim Fino ka folur për mediet pas humbjes së zgjedhjeve për kreun e FSHF-së, post të ciline rimori Armand Duka.
Fino tha se e priste një rezultat të tillë, teksa e cilësoi garën si jo të drejtë, duke përmendur shoqatat ilegale.
Deputeti socialist tha se e uroi Dukën për fitoren, megjithatë ai deklaroi se vazhdojë procesin ligjor, teksa e konsideron garën të manipuluar.
Fjala e Finos:
E prisja diçka të tillë, procesi qe i parregullt ne lidhje me listat e parregullta. Po t ë shikoni diferencën prej 14 janë shoqatat ilegale. Do vazhdojmë procesin e hetimit. Vendosja e disa ekipeve që nuk janë ekipe dhe vendosja e delegatëve nga ana e federatës, tregon për diferencën që zoti Duka fitoi sot në zgjedhje. Kisha një platformë krejt ndryshe, por kur ke një listë të pandershme nuk mund të pretendosh për të thyer rezultatin. Po të mos ishin 12 shoqatat natyrisht do ishte një garë më e fortë, fair play.
Komisioni i verifikimit
Përgjigja që dhanë juristët kanë konflikt interesi, do ishte më e ndershme të ishin juristë të pavarur.
Ne do respektojmë gjykatat shqiptare, më pas do vazhdojmë më tej edhe në FIFA. Do vazhdoj me çështje ligjore, vazhdojmë procesin ligjor jo për mua personalisht, e urova Dukën për fitoren.
I kam dërguar letër, i kam informuar për këtë çështje. Ne vazhdojmë procesin zgjedhor. Futbolli s’mund të themi që fiton apo humbet, kjo është se si e kanë lexuar anëtarët e Asamblesë platformën. Gjysma e presidentëve në Europë janë deputetë apo politikanë, nuk ka të bëjë kjo. Për mua qe një garë sportive, por në Shqipëri mesa duket nuk shkëputemi dot nga politika e ditës. TIRANA TODAY
