Tifogrupi “Tifozat Kuq e Zi”, që mbështesin kombëtaren shqiptare brenda dhe jashtë vendit, kanë bojkotuar stadiumet shqiptare prej një kohe të gjatë për shkak të sjelljeve të FSHF-së. Këtë herë ata kanë lënë mënjanë futbollin dhe do të mblidhen për një çështje shumë sensitive që po diskutohet shumë në vendin tonë.
Pas deklaratave të ministrit të jashtëm të Greqisë, Nikos Kotzias, për mediat e vendit të tij se Shqipëria ka pranuar zgjerimin e ujërave greke me 12 milje detare, kanë reaguar “Tifozat Kuq e Zi” të cilët nëpërmjet një statusi në rrjetet sociale ftojnë ndjekësit për të protestuar nesër para kryeministrisë në orën 13:00.
