Pas marrjes së njoftimit se disa fëmijë ishin shtruar në spital, pasi kishin shfaqur shenja helmimi, sot ka ardhur një reagim nga ana e policisë së Shkodrës.
Policia njofton se mbrëmjen e djeshme, në Spitalin Rajonal Shkodër janë paraqitur për mjekim 12 fëmijë të moshës 10-12 vjeç, me shenja intoksikimi, të cilët janë jashtë rrezikut për jetën.
Familjarët kanë thënë se fëmijët kanë konsumuar ushqim në një fast-food, përpara shkollës në qendër të fshatit Postrribë, Shkodër. Për këtë rast janë shoqëruar pronarët e fast food-it për deklarime, si dhe po bëhen verifikimet nga Drejtoria AKU.
“Ditën e djeshme, në orën 20:50 është marrë njoftim se në Spitalin Rajonal Shkodër janë paraqitur për mjekim 12 fëmijë të moshës 10-12 vjeç, me shenja intoksikimi, të cilët janë jashtë rrezikut për jetën.
Sipas familjarëve të tyre, fëmijët kanë konsumuar ushqim në një fast food, përpara shkollës në qendër të fshatit Postrribë, Shkodër.
Janë shoqëruar pronarët e fast food-it për deklarime, si dhe po bëhen verifikimet nga Drejtoria AKU.
Vijojnë veprimet hetimore, nën drejtimin e Prokurorisë së Rrethit Gjyqësor Shkodër”.
