Spanja dhe më pas Italia, dy duele luksi për Kombëtaren Shpresa. Më 6 shtator kuqezinjtë e drejtuar nga Alban Bushi do të zhvillojnë ndeshje e tetë në grupin e kualifikueseve të Europianit 2019, ndërsa menjëherë pas kthimit do të udhëtojnë drejt Italisë për tu përballur me “axurrët”. Testi është konfirmuar nga Federata Italiane, që saktësoi se mbetet ende për tu vendosur stadiumi dhe ora kur do të zhvillohet ndeshja.
Miqësorja do ti shërbejë edhe Shpresave kuqezi, duke qenë se bëhet fjalë për një datë pa impenjime, me trajnerin Alban Bushi që do të konsolidojë grupin e tij përpara dy sfidave të fundit kualifikuese me Spanjën në shtëpi dhe në transfertë me Estoninë.
Përballja e 11 shtatorit do të jetë ndeshja e gjashtë në histori ndërmjet 21-vjeçarëve shqiptarë dhe atyre italianë. Të kaltërit kanë fituar katër përballje, ndërsa ndeshja e fundit, e luajtur më 10 gusht 2016 në San Benedetto del Tronto përfundoi në barazim pa gola.
