Pas vetëdorëzimit të Klement Balilit, rrjetet sociale kanë shpërthyer me meme nga më të ndryshmet. Ironia është përcjellë nga një masë e gjerë e komentuesve, pas kushteve të vendosura prej tij, ndaj qeverisë së Edi Ramës.
Orët e fundit, në rrjet po qarkullon një tjetër postim ironik, për 11 kushtet e vetëdorëzimit të Balilit:
- Hapje urgjente e negociatave me BE
- Plotësimi i të gjitha kërkesave të studentëve
- Mosndryshimi i kufijve të Kosovës
- Teatri Kombëtar të mos shembet, dhe i riu të ndërtohet po në Tiranë
- Bibliotekës Kombëtare ti vendosin emrin Gent Caka për faktin se ka lexuar shumë libra
- Hoteli Santa Quaranta të shpallet Shtëpi Muze
- Babales ti jepet azil politik, se është fukara njeri
- Ylli Baka ta bëjë patjetër një këngë me Gaz Pajën deri në fund të 2019
- Partizani të mos blejë më futbollistë me emra të turpshëm
- Të rikthehen bastet sportive, me kusht që Interi të mos përfshihet në skedina
- 600 kilet e hashashit që më kapi policia, të shiten me vlerën e tregut, dhe të ardhurat të jepen për bamirësi!
I ashtuquajturi “Eskobari i Ballkanit”, Klement Balili, do të dalë sot përpara Gjykatës së Krimeve të Rënda. Ai do të njihet me akuzat, si dhe do të bëhet një rivlerësim i masës së sigurisë, dhënë në mungesë më shumë se dy vite më parë. Paraditen e djeshme, në shortin e hedhur të Krimet e Rënda, gjyqtare e seancës paraprake u caktua Miliana Muça, ndërsa kjo e fundit do të bëjë edhe rivlerësimin e masës së sigurisë.
