Sot shënohet 107 vjetori i lindjes së humanistes dhe nobelistes shqiptare, Nënë Terezës.
Në këtë përvjetor, nuk kanë munguar as aktivitetet e shumta kulturore në nder të saj.
Sot do të hapet një ekspozitë me fotografi e dokumente të titulluar “Shenjtorja shqiptare nga Shkupi – korrespondenca”, që i kushtohet 107 vjetorit të lindjes, 20 vjetorit të vdekjes dhe 1 vjetorit të shenjtërimit të Shën Nënë Terezës.
Ekspozita u organizua nga Instituti i Historisë “Ali Hadri” nga Prishtina, në bashkëorganizim me Institutin e Trashëgimisë Shpirtërore e Kulturore të Shqiptarëve – Shkup dhe Ipeshkvinë e Republikës së Kosovës.
Ekspozita do të hapet sot në 14:00 në Bibliotekën Kombëtare të Kosovës “Pjetër Bogdani” dhe do të jetë e hapur deri më 5 shtator 2017.
https://www.facebook.com/tiranatodaycom/videos/291281171316627/
