Në kuadër të 10-vjetorit të Pavarësisë së Kosovës, Kryeministri Ramush Haradinaj ka dhënë urdhër për heqjen e flamurit shqiptar në Prishtinë. Shumë qytetarë janë ndjerë të pakënaqur me largimin e flamurit kombëtar nga hyrja te rrethi i qytetit . Ky një veprim që u ndërmor dje nga autoritetet me vendim të Kryeministrit Ramush Haradinaj.
Në një video të publikuar në rrjetet sociale, shihen disa persona të cilët djegin flamurin shtetëror të Kosovës, në shenjë revolte për zëvendësimin e flamurit kombëtar.
“Në Gjilan shqiptarët kundërpërgjigjen; djegin flamurin mavi mavi. Kushdo që qon dorë në flamurin tonë kombëtar do të përballet me bijtë e Gjergj Kastriotit dhe Adem Jasharit”, thuhet në postim.
Aksioni i mbrëmshëm i qeverisë për zëvendësimin e flamurit nxiti tensione, madje kur nënkryetari i Prishtinës, Selim Pacolli, vizitoi vendin e ngjarjes, u përball me ofendime nga qytetarët.
