Lëvizja Socialiste për Integrim ka filluar një sulm politik ndaj prokurorisë që pas arrestimit të Dashamir Xhikës. Deputeti i LSI-së Përparim Spahiu tha sot së Prokuroria po arreston opozitën për të mbuluar krimet shtetërore që po bën! Me anë të një statusi në rrjetin social Facebook, Spahiu thotë së prokuroria lëshon urdhër arresti për të mbuluar me hi, pisllëkun që bënë me arrestimin idiot në Elbasan.
Ndërkohë dje kryetarja e LSI-së, Kryemadhi e ka konsideruar arrestim politik prangosjen e Dashamir Xhikës. Ajo tha se është një arrestim monstruoz i cili nuk do të mbetet me kaq.
Gjithashtu, për arrestimin e Xhikës ka reaguar dhe kryetari i grupit parlamentar të LSI-së, Petrit Vasili i cili thotë së prokuroria është në shërbim të qeverisë.
Statusi i plotë i Përparim Spahiut
Prokuroria politike, po zbaton me korrektësi urdhërat e qeverisë!
Arreston opozitën për të mbuluar krimet shtetërore që po bën!
Ditën e dielë kërkohet një masë tjetër arresti. Nuk prisnin as deri nesër, por e duan sot për të mbuluar me hi, pisllëkun që bënë me arrestimin idiot në Elbasan!
I uroj Dashit të faktojë pafajsinë e tij, ndonëse në kushte të pabarabarta!
Ndaj me të dhe gjithë popullin opozitar terrorin politik ndaj opozitës. Nuk do ta lemë vendin në dorë të diktatorit!
