Zyrtarizohet kandidatura e 3-të për Kryeprokuror të Përkohshëm. Arqile Koça është prokuror në Prokurorinë Përgjithshme dhe kërkon të marrë drejtimin e këtij institucioni.
Tre janë kandidaturat e zyrtarizuara të deritanishme për kandidatë si Prokuror i Përkohshëm i Përgjithshëm.
Kështu, ditën e sotme prokurori Arqile Koça ka zyrtarizuar kandidaturën e tij për Kryeprokuror të Përkohshëm. Koça është prokuror në Prokurorinë Përgjithshme dhe kërkon të marrë drejtimin e këtij institucioni.
Kandidati i parë i zyrtarizuar që kandidon për këtë post është Ferdinand Elezit, ndërsa pas tij ka shpallur kandidaturën edhe prokurorja Arta Marku. 41-vjeçarja nga Puka ka përfunduar në vitin 1999 shkollën e lartë në Shkodër, ndërsa Magjistraturën në 2001, dhe ka një eksperiencë prej 15 vitesh si zëvendësprokurore e këtij rrethi.
Sot, kreu i Komisionit të Ligjeve, socialisti Ulsi Manja theksoi se aplikimet vazhdojnë deri nesër në orën 18:00.
Kujtojmë se pas dorëzimit të kandidaturave dhe mbylljes së afatit, faza pasuese është seanca dëgjimore me ta në Kuvend dhe më tej votimi i thjeshtë në Parlament.
