Blerja e hoteleve te konsideruara dhe të vlerësuara me çmime të larta, nuk është pengesë për disa biznesmenë shqiptarë të cilët kanë shprehur gatishmëri të plotë për blerjen e tyre.
Këtë e tregon blerja e Hotel “Sheraton” nga biznesmeni Shefqet Kastrati. Blerja e Sharton’ është konfirmuar zyrtarisht nga “Kastrati Group”. Leonard Kastrati, djali i biznesmenit Shefqet Kastrati, me anë të një fotoje të publikuar në rrjetet sociale ku ai shfaqet me ish-pronarët, shkruan:
“Tashmë zyrtarisht ish-hotel ‘Sheraton’ i përket kompanisë ‘Kastrati Group’, sapo u mbyll transaksioni”, shkruan Leonard Kastrati.
Kompania e naftës nuk ka sqaruar nëse godina do të vijojë të përdoret për hotel, apo do të ketë funksione të tjera. Në dhjetor të vitit të kaluar, ‘Sheraton’ u largua nga Tirana, duke e lënë kryeqytetin shqiptar pa asnjë markë prestigjioze të hotelerisë. Megjithatë, se shpejti ne Tirane pritet te vije “Hilton”.
