Sikundër është njoftuar edhe më herët, nga sot nis zyrtarisht aplikimi i taksës në “Rrugën e Kombit” për çdo përdorues rruge. Pas gjashtë muajsh negociatash mes qeverisë, banorëve dhe koncesionarit, tarifa për banorët e Kukësit është ulur në minimum.
Drejtuesit e automjeteve të vogla do paguajnë vetëm 100 lekë për kalim. Çdo automjet i regjistruar në Kukës, e që niset nga Kukësi drejt Tiranës, apo anasjelltas, do të ketë korsinë e tij, dhe sportelin e veçantë për kryerjen e pagesës.
Mjafton një verifikim për regjistrimin e mjetit, dhe pagesa do të bëhet me 100 lekë për çdo kalim, nga 660 lekë që ju duhet të paguajnë mjetet e tjera jashtë qarkut të Kukësit. E njëjta pagesë është parashikuar edhe për mjetet e transportit publik të liçensuara. Ndërsa mjetet e tonazhit të rëndë dhe transportit të mallrave kanë përqindjen e tyre të llogaritur disa herë më pak, se ato automjete që nuk i përkasin qarkut të Kukësit.
