Tashmë është zyrtare Peter Pacult, o të jetë trajneri i Kukësit, pas shkarkimit të serbit Mladen Milinkovic. Kukësi me mbylljen e fazës dimërore të kampionatit largoi edhe stafin teknik. Por, për trajnerin e ri nuk u nxitua, duke vendosur që të bëjë sërish një zgjedhje të huaj. Zgjedhja e Gjicit ishte për një trajnerë me një CV të pasur dhe duket se ka bërë goditjen e duhur me austriakun. Prezantimi i tij do të bëhet të mërkurën në 11:00 nga vetë presidenti i verilindorëve. Për herë të fundit austriaku ka drejtuar ekipin e Superligës serbe, Radniçki Nis. 58-vjeçari ka shpallur Rapidin e Vjenës kampion në sezonin 2007-2008. Kulmi i tij ka qenë drejtimi i Mynih 1860 në Bundesligën gjermane.
Pacult është 58 vjeç dhe eksperienca e gjerë me skuadra me emër si Rapid Wien, Dynamo Dresden apo e të tjera të arenës ndërkombëtare e ndihmojnë trajnerin që të çojë Kukësin në drejtimin e duhur, mbrojtjen e titullit dhe minimalisht arritjen në Europë. Ndërsa stafi i verilindorëve do të ndërtohet me zëvendëstrajnerin Rrahman Hallaçi, tashmë i konfirmuar, teksa ndihmës do të jetë edhe Andi Baze, i cili aktualisht është ndihmës trajner te skuadra e Internacional U-19. Trajner portierësh do të jetë i mbijetuari i furtunës, Gut Tafaj.
Karriera si trajner e Pacult:
2001–2003 1860 München
2004–2005 FC Kärnten
2005–2006 Dynamo Dresden
2006–2011 Rapid Wien
2011–2012 RB Leipzig
2012–2013 Dynamo Dresden
2015 Floridsdorfer AC
2015 Zavrč
2017 Cibalia
2017 Radnički Niš
