Zyrtare: Realizohet shkëmbimi “kokë më kokë” Sanchez-Mkhitaryan (Video)

Tashmë edhe zyrtarisht, Henrikh Mkhitaryan ka nënshkruar me Arsenal si pjesë e marrëveshjes për Alexis Sanchez, i cili u bë pjesë e United. Mkhitaryan ka nënshkruar kontratë afatgjatë me ‘Topçinjtë’, ka njoftuar klubi.

 “Jam shumë i lumtur që arritëm të mbyllim marrëveshjen dhe shumë i lumtur që gjendem këtu. Është ëndërr e bërë realitet sepse gjithmonë kam ëndërruar të luaj për Arsenalin. Tani që jam këtu, do të jap më të mirën për këtë klub për të krijuar histori.” – është shprehur mesfushori armen.

Alexis Sanchez është zyrtarisht lojtar i Manchester United. Lajmin e ka konfirmuar vetë skuadra angleze, përmes një video në rrjetet sociale. Sanchez ka kaluar në Old Trafford në një marrëveshje shkëmbimi kokë më kokë me Henrikh Mkhitaryan, i cili iu bashkua Arsenalit. Ai ka nënshkruar kontratë për katër-vite e gjysmë me United dhe do të bartë numrin 7 në fanellë.