Tashmë është zyrtare: Trupi i Konstandinos Kacifa do t’u dorëzohet familjarëve të minoritarit grek. Vendimi është marrë nga Prokuroria e Krimeve të Rënda, e cila ka vendosur t’i dorëzojë familjes trupin e 35-vjeçarit.
Pas këtij vendimi, tashmë i hapet rrugë varrosjes së Kacifas, nëntë ditë pas vrasjes nga RENEA.
Autorizimi është firmosur nga prokurori që po heton çështjen, Njazi Seferi. Ndërsa tashmë familjarët pritet të tërheqin trupin e Kacifas nga morgu i Tiranës.
Ende nuk dihet se kur do të zhvillohet ceremonia e varrimit për Kostandinos Kaçifas. Dyshohet se nesër do të vijnë disa autobusë me grekë nga shteti fqinj, për varrimin e Kacifas.
