Zyrtare, ja kur do të zhvillohet miqësorja Itali-Shqipëri

Një miqësore me Italisë U-21 dhe Shqipërisë U-21 do të zhvillohet më datë 11 shtator në stadiumin e Cagliarit, “Sardegna Arena”, për të festuar një vjetorin e inaugurimit të këtij impianti.Të besuarit e Alban Bushit do të vihen përballë skuadrës që drejtohet nga Luigi Di Biagio në një miqësore me të vërtetë prestigjioze për futbollistët më premtues të Shqipërisë, që do të kenë një mundësi të artë për të rënë në sytë e menaxherëve të Serie A, shkruan telesport.Shqipëria U-21 renditet në vendin e pestë të Grupit 2, për eliminatoret e Kampionatit Europian të kësaj moshe, faza finale e të cilit do të luhet verën e ardhshëm. Pesë ditë para miqësores kundër Italisë, kuqezinjtë e vegjël do të luajnë kundër Spanjës në një ndeshje zyrtare. Nga ana tjetër, Italia U-21 nuk merr pjesë në eliminatore, sepse do të jetë vendi organizator i fazës finale “Euro U-21 2019”.