Klubi i Flamurtarit ka mbyllur marrëveshjen me mesfushorin 22-vjeçar, Alesio Hyseni. I riu u transferua në 2016-ën tek ekipi vlonjat. Në dy sezone e gjysmë, Hyseni është aktivizuar në 45 takime, ku ka shënuar vetëm 2 gola në ndeshje Kupe, sezonin e kaluar.
Lajmin e ka dhënë vet ekipi i Flamurtarit, teksa njofton se palët e kanë mbyllur me mirëkuptim kontratën dhe nga tani vlonjati Hyseni është një lojtar i lirë.
Alesio Hyseni është rritur në Itali me të rinjtë e Peruxhias. Pikërisht sot më 4 janar, ai feston edhe 22-vjetorin e lindjes.
NJOFTIMI I KLUBIT
ZYRTARE !
Flamurtari F.C njofton përfundimin e bashkëpunimit me Alessio Hyseni.
Mesfushori 22 vjeçar dhe drejtuesit kanë vendosur sot të ndërpresin me mirëkuptim marrëveshjen mes palëve, duke i dhënë mundësi mesfushorit të jetë lojtar i lirë.
Flamurtari Football Club falenderon Alessio Hyseni për kontributin e dhënë me fanelën Kuqezi, duke i uruar njëkohësisht shumë suksese në karrierën e tij sportive.
