Pas takimit me presidentin shqiptar, zv/kryeministri i Kinës është pritur nga kryeministri Edi Rama.
Në takim u fol për marrëdhëniet ekonomike e tregtare, ndërsa Zhang Gaoli i ka sjellë edhe një dhuratë Ramës: pikërisht një top basketbolli nga ylli kinez i NBA, Jao Ming, ndërsa Rama i dhuroi atij një album me piktura.
Një dhuratë që Rama nuk i ka rezistuar dot, pa e postuar në Facebook.
Postimi i plotë i Ramës:
“Me zv.Kryeministrin e Kinës pas një mëngjesi pune shumë inkurajues, ku u fol konkretisht për një hov të ri në marrëdhëniet ekonomike e tregtare, në këtë fazë të re të zhvillimit të vendit ku sipas shkëlqesisë së Tij, Zhang Gaoli, reformat e qeverisë po japin rezultate mbresëlënëse.
Topi i basketbollit është një dhuratë nga ylli kinez i NBA, Jao Ming, ndërsa libri është albumi i pikturave “EDI RAMA”, dhuratë për vizitorin më të rëndësishëm kinez të 25 vjetëve të fundit.”
