Pas atij festimi të bërë nga lojtarët e Zvicrës ndaj Serbisë, në takimin e vlefshëm për Botërorin e Rusisë, dy vendet e sipërpërmendura nuk është se ndryshojnë shumë, në disa çështje me shqiptarët. Ashtu siç mediat serbe do të nisin me zakonin “Provokacija” kur bëhet fjalë për shqiponjën, i njëjti reagim thuajse po vjen edhe nga Zvicra.
“Bluewin.ch” ka pasqyruar një artikull së fundmi, ku shpjegon edhe festimin e Witsel. Media zvicerane bën të qartë për lexuesit e saj, se pavarësisht se futbollisti aktual i Dortmund bën këtë festim, ai nuk i ka paraardhësit shqiptar.
“Unë fillova të festoj kështu sepse babai im ishte një tifoz i madh i ekipit kombëtar francez dhe sulmuesi Nicolas Anelka festonte në këtë mënyrë. Përbën një pëllumb të paqes që lundron dhe rritet. Mënyra se si unë vazhdoj të rritem”, shpjegoi Witsel disa kohë më parë.
Por nga ana tjetër vazhdimi i trajtimit të së njëjtës temë në Zvicër, tregon se këta të fundit ende nuk e kanë përtypur atë që ndodhi në Rusi, duke i tejkaluar caqet e normales.
