Shtyhet seanca gjyqësore ndaj ish-ministrit Saimir Tahiri. Kështu, hetimet për Tahirin janë zgjatur sërish. Edhe pse afatet tremujore të hetimit për dosjen “Tahiri” kanë përfunduar tashmë.
Por, Prokuroria e Krimeve të Rënda ka vendosur shtyrjen e hetimeve. Kjo e fundit vjen si rrjedhojë e pritjes së një letërporosie në Bari.
Vetëm një muaj më parë, Prokuroria kërkoi shtyrjen me tre muaj të afateve të hetimit për Jaeld Çelën, ish-drejtues i Policisë në Vlorë, i cili gjithashtu është pjesë e dosjes.
Ish-ministri po hetohet pas publikimit të përgjimeve të grupit Habilaj. Ky grup ka përmendur disa herë emrin e deputetit Saimir Tahiri.
Vendimi për shtyrje u dha nga 4 prokurorët e çështjes ‘Tahiri’.
