Themeluesi i Facebook Mark Zuckerberg pritet që të dëshmojë në Dhomën e Përfaqësuesve rreth planeve që ka rrjeti social në fjalë për të hedhur në treg një kriptovalutë që do të përdoret në të gjithë botën.
Raportohet se Zuckerberg do të jetë dëshmitari i vetëm në seancën dëgjimore mbi “kontrollin e Facebook-ut dhe ndikimin e tij në shërbimet financiare”.
Kujtojmë se kriptovaluta “Libra” aktualisht po përballet me kritika të forta nga agjencitë rregullatore dhe ligjvënësit si në Shtetet e Bashkuara ashtu edhe në Evropë. Ndërkohë drejtuesit e Facebook pretendojnë se kriptovaluta e re mund të ndihmojë në uljen e kostove për transferimin e parave në të gjithë botën.
