Një ngjarje e rëndë ka ndodhur në Maqedoni, ku zjarri i rënë në një banesë i ka marrë jetën tre fëmijëve të vegjël, të moshës 1, 2 dhe 5 vjeçare.
Ngjarja e rëndë ka ndodhur pasditen e djeshme, e ndërsa terreni i vështirë e ka bërë të pamundur ndërhyrjen e forcave zjarrfikëse.
Burimet e para të policisë thonë se bëhet fjalë për një familje, e cila është në gjendje të rëndë ekonomike, ku ka improvizuar vendbanimin dhe aty ka jetuar rreth 2 vite.
Policia është sinjalizuar për flakët e zjarrit, pas alarmit të dhënë nga ana e fqinjëve, të cilët kanë qenë larg qindra metra nga shtëpia. Nga ana e policisë kanë nisur hetimet, ndërsa po kryejnë ekspertizën për zbardhjen e shkaqeve të rënies së zjarrit.
