Pas djegies së Katedrales së Notre Dame në Paris vetëm pak ditë para Pashkëve, ISIS ka postuar një poster në internet ku e shoqërojnë më fjalët: “Ditë të mbarë”.
Grupi i fanatikëve të ISIS-it, bëri një postim mbrëmjen e të hënës, për zjarrin që përfshiu katedralen 850-vjeçare, duke e cilësuar ngjarjen, sipas studiuesve të inteligjencës antiterroriste si – ‘dënim dhe ndëshkim’.
Në poster shkruhet po ashtu se: “Ndërtimi i saj filloi në vitin 1163 dhe përfundoi në 1345. Shkatërrimi i monumentit sjell fundin e politeizmit në Europë”.
Sipas ‘Daily Mail’, ata po e përdorin këtë ngjarje për të propaganduar dhe për të krijuar trazira në Francë.
Zyra e prokurorit të Parisit deklaroi se zjarri po trajtohet si një aksident, duke përjashtuar në këtë mënyrë dyshimet për një sulm terrorist.
Ndërkohë që xhihadistët festojnë në internet, Franca dhe bota po zien për shkatërrimin e një simboli të lavdishëm të qytetërimit perëndimor.
