Rëndohet edhe më shumë bilanci i shqiptarëve që ndërruan jetë pas pushtimit të flakëve në Greqi. Ambasada shqiptare në Athinë ka konfirmuar se ka ndërruar jetë në spital shtetasi Viktor Ceko, 59-vjeç, nga Vlora.
Në morgun e Athinës, është në përfundim procesi i dhënies së kampioneve të ADN-së, ndërsa ekspertët thonë se deri pasditen e së shtunës, do të kenë mbaruar identifikimin e një pjese të mirë të 86 trupave të gjetur.
Problem mbeten mbetjet mortore, pasi shumë pjesë trupash janë gjetur të shpërndara në zonë si edhe trupat e karbonizuar, mbi të cilët është e vështirë të kryhen analiza.
Autoritetet greke deklaruan se pas identifikimit të viktimave, familjarët mund t’i tërheqin trupat për të organizuar varrimet që do të paguhen nga shteti.
