Flakët e zjarrit kanë përfshirë gjatë mesditës një zyrë avokatie, te Kullat Binjake në Tiranë.
Me të marrë të njoftimit, menjëherë janë vënë në veprim makinat zjarrfikëse si dhe policia.
Zjarri ka rënë në zyrën e avokatit Maks Haxhia, në katin e 13-të.
Nuk raportohet për të lënduar, por vetëm për dëme materiale. Ende nuk ka të dhëna nga ana e policisë nëse kjo ngjarje është aksidentale, apo e qëllimshme.
Deklarata e policisë
“Më datë 20.08.2018, rreth orës 12:40, në bulevardin “Dëshmorët e Kombit”, në kabinën elektrike të një qendre tregtare, ka dalje tymi dhe dyshohet për rënie zjarri.
Në vendngjarje kanë shkuar shërbimet e policisë dhe zjarrfikësja, po punohet për konstatimin e zjarrit dhe fikjen e tij”.
