Zinedine Zidane është përpara dy sfidave mjaft të vështira, atë me Sevillan dhe “El Clasico”. Problemi më i madh për teknikun francez do të jetë në sfidën e parë, pasi do të ketë plot tre mungesa të formacionit bazë. Do të mungojë Carvajal, Casemiro dhe Sergio Ramos. Në fakt kapiteni Ramos do të mungojë për shkak të kartonit të kuq që mori në sfidën përballë Bilbaos që e futi atë edhe në historinë e LaLigas, si lojtari më negativ.
31-vjeçari mori kartionin e 19-të të kuq në karrierë, duke kaluar Ksavi Aguadon dhe Pablo Alfaron, futbollistë të cilët luanin në vitet ’80, dhe secili kishte marrë nga 18 kartona të kuq.
Në total, Sergio Ramos me fanelën e Realit të Madridit ka marrë 24 kartona të kuq në të gjithë kompeticionet. Ai do të kthehet në dispozicion të trajnerit Zidane për ‘El Classicon’ me Barcelonën që do të luhet në Santiago Bernabeu në 23 dhjetor.
