Zidane e do në ekip, Perez gati të bëjë çmendurinë për Neymar

Zinedin Zidane i thuri elozhe ylli brazilian Neymar Jr në konferencën e fundit dhe u shpreh se ai mund të përshtatet mjaft mirë me Ronaldon. Lojtarët e mëdhenj pavarësisht se mund të jenë në një pozicion në fushë, mund të arrijnë të japin më të mirën. Në Spanjë janë të sigurt madje kanë bindjen se Neymar Jr në merkaton e kësaj vere do të transferohet te Reali i Madridit.Sulmuesi brazilian ka vendosur të largohet nga PSG pas vetëm një viti në Francë ku fitoi tre trofe, për të veshur fanellën e bardhë të klubit merengues. Florentino Perez është i fiksuar pas Neymar dhe do të bëjë çmos për ta transferuar O’Ney në Santiago Bernabeu. Reali i Madridit është gati të investojë deri në 600 milionë euro për yllin e Seleçaos, përfshirë këtu vlerën e kartonit dhe pagën e futbollistit plus taksat për 5 vitet në vazhdim. Për të shkuar te Neymar, Los Blancos janë gati të sakrifikojnë dyshen Bale-Benzema.Ndërkohë në krahun tjetër Paris Saint Germain që shpenzoi 222 milionë euro verën e kaluar për të blerë kartonin e Neymar nga Barcelona edhe pse nuk kërkon të privohet nga sulmuesi brazilian, ka probleme të mëdha me fair play-in financiar dhe për të mos rrezikuar sanksione nga UEFA do të bëjë disa shitje të rëndësishme gjatë kësaj verë dhe një prej të larguarve mund të jetë pikërisht Neymar.