Bayer Munich nuk arrin më shumë se një barazim 2-2 në transfertën e radhës me Hertha Berlin. U duk se bavarezët e kishin në kontroll ndeshjen pasi kalojnë në avantazh që në minutën e 10’ me Hummels i cili godet mjaft mirë me kokë një top të ardhur nga goditje dënimi nga Boateng. Në fillimin e pjesës së dytë është sulmuesi polak Lewandowski që në të 49’-ën shfrytëzon mjaft mirë forcën dhe shënon golin që dyfishon rezultatin. Ky rezultat la të kuptohet se problemet e javës së fundit me shkarkimin e Ancelottit kishin marrë fund. Por nuk ndodhi kështu, pasi në minutën e 51’ Duda shkurton diferencën për vendasit për tu pasuar nga goli i Kalou 5’ minuta më vonë. Një barazim mjaft i shpejtë që tregoi se sa e brishtë e mbrojtja e Bayer Munich. Rezultati 2-2 do të jetë edhe rezultati përfundimtarë i ndeshjes dhe dërgon bavarezët në një krizë më të thellë pasi vazhdojnë ti largohen kryesuesve të Dortmund që firuan një ditë më parë.
https://www.youtube.com/watch?v=j5NnThKNXV8&ab_channel=FootballHD
