Edison Harizaj që u vra mbrëmjen e së martës, rezulton të ishte një nga personat e dyshuar për zhdukjen e Albano Xhaferit dhe Ervis Palla (Troqe).
Emri i Harizaj është përmendur në dëshminë e një të penduari në Vlorë, i quajtur Gazmend Merkaj.
Dëshminë e të cilit “Shqiptarja.com” e ka publikuar në datën 19 tetor 2018.
Për të zbardhur zhdukjet misterioze në Vlorë, prokuroria e Vlorës, në muajin korrik 2018 kishte marrë në pyetje Edison Harizajn.
Në atë kohë Harizaj u ishte shmangur të gjitha pyetjeve të bëra nga përfaqësuesi i organit të akuzës.
Përgjigjet e Harizaj, kanë qënë ironike, duke pohuar se nuk ka asnjë lidhje me zhdukjet e ndodhura në muajin qershor dhe korrik në Vlorë.
“Nuk kam asnjë dhe nuk i njoh Albano Xhaferin dhe Ervis Palla Troqe”-mësohet të ketë deklaruar për herën e fundit kur ka qënë në prokurori Edison Harizaj.
Për më tepër ky i fundit është përgjigjur ironikisht se “…në Vlorë më akuzojnë për çfarëdo lloj krimin…”.
Harizaj mësohet të ketë vijuar me ironitë e tij në prokurori se:
“…edhe një pulë të vidhet, e përflasin emrin lart e poshtë nëpër lokale…”.
Këtë dëshmi ironike, Harizaj e ka dhënë duke marë shkak nga dëshmia që Gazmend Merkaj ka dhënë për llogari të grupit hetimor.
