Bota e futbollit është e tronditur nga zhdukja e avionit në të cilin ndodhej një prej futbollistëve më të mirë të kampionatit francez, Emiliano Sala. Ai sapo kishte kompletuar transferimin te Cardiffi, por që kurrë nuk luajti për skuadrën e Premier Leagues.
Aeroplani i Emiliano Sala u zhduk kur humbi kontaktin me qendrën e aviacionit anglez, teksa po fluturonte drejt Cardiffit për të filluar stërvitjen me klubin e ri. Kërkimet për Salan kanë rifilluar mëngjesin e të mërkurës nga policia e Guernseyt, në rrjetet sociale shumë yje të futbollit kanë shprehur brengën, duke u lutur për sulmuesin argjentinas.
Por, jo të gjithë futbollistët janë prekur nga kjo situatën. Cristiano Ronaldo mbrëmjen e të martës postoi një foto nga aeroplani privat, duke nxitur shumë reagime. Ishte legjenda angleze, Gary Lineker, ai që në Twitter kritikoi Cristianon.
Not the day for this tweet. It really isn’t. https://t.co/61y6cgEzm0
— Gary Lineker (@GaryLineker) January 22, 2019
“Nuk është dita për një postim të tillë. Vërtet nuk është”, ka shkruar Lineker në Twitter.
Më pas Lineker shprehu mendimin e tij në përgjigje me shumë kritika të adhuruesve të futbollit se ylli i Juventusit mund të mos jetë fare në dijeni me atë që ka ndodhur dhe se dikush tjetër ja menaxhon rrjetet sociale.
Ndërkohë redaktori i BBC Sport, Lewis Wiltshire, po ashtu ishte kritik ndaj superyllit portugez.
“Është i shurdhër, dhe nëse jeni një prej shumë njerëzve që po i ktheni përgjigje Linekerit duke thënë se ai veprim i tij është i mirë, jeni po ashtu të shurdhër. Kur atletët, përfshirë yjet e mëdha, bëjnë postime, atëherë ata duhet të jenë në dijeni për atë që po ndodh në botë dhe që të jenë në dijeni se jo gjithçka sillet përreth tyre”, u shpreh Wiltshire.
https://twitter.com/LewisWiltshire/status/1087816117350031361
Një prej gazetarëve më të njohur të The Sun në edicionin sportiv, Duncan Wright, po ashtu ishte tejet kritik ndaj Cristiano Ronaldos, duke e quajtur edhe idiot.
“Në ditën kur një lojtar zhduket në fluturimin e tij për të nënshkruar me klubin e ri, ky idiot poston një foto të tij nga një aeroplan privat pasi shpëtoi nga burgu vetëm pse është i pasur. Klas”, ka shkruar Wright duke nxitur reagime masive në Twitter.
On the day when a player is missing flying to sign for his new club, this idiot posts a pic of himself on a private jet after escaping jail because he’s rich. Class. https://t.co/Fg6rNrbWoC
— Duncan Wright (@dwright75) January 22, 2019
