Zhduket një 21-vjeçar në Maqellarë të Dibrës. I riu Mateo Aga rezulton i zhdukur prej 7 ditësh, ndërsa janë familjarët e tij ata që kanë denoncuar rastin në polici.
Sipas tyre, i riu mund të jetë rrëmbyer:
“Dyshojmë se e kanë rrëmbyer djalin. Në 29 nëntor djali shkoi në fshatin Grezhdan”, kanë thënë prindërit.
Më tej ata kanë shtuar se i riu nuk kishte telefon me vete:
“Mateo nuk kishte telefon me vete kur u largua. Shkoi në fshat me makinën e një fqinji”.
Policia e Dibrës raporton se po punohet për gjetjen e 21 vjeçarit.
