14-vjeçari Valentin Çarkaj nga fshati Hot i Ri i Shkodrës është zhdukur mesditën e ditës së dielë.
Familjarët e adoleshentit bëjnë apel për ndihmë, teksa shprehen se i riu ka dalë rreth orës 13:00 nga shtëpia. Ai është nisur me një bashkëmoshatarin e tij drejt lumit Kir në zonën e Prekalit, për t’u larë.
Me kalimin e orëve, familjarët janë shqetësuar për moskthimin e të riut, prandaj kanë pyetur shokun e djalit me të cilin ishte larguar. Ky i fundit ka thënë se “nuk kemi shkuar askund dhe pak metra larg shtëpisë Valentini është larguar nga unë.”
Familjarët kanë denoncuar në polici zhdukjen misterioze të të birit, ndërsa kanë apeluar edhe në media për publikimin e fotos së Valentinit, në mënyrë që çdokush që mund ta ketë parë, të kontaktojë në numrin 069 62 69 778.
