Në një kohë kur ende nuk ka një informacion zyrtar mbi marrëveshjen me Greqinë për çështjen e emrit të Maqedonisë, mediat greke raportojnë në lidhje me disa detaje të cilat tregojnë se propozimet për emrin janë me tendencë dhe kuptim sllav dhe sipas tyre duhet riparë kjo pjesë. Gjithashtu japin dhe një emër të mundshëm se si do quhet shteti i Maqedonisë.
Pas përfundimit të diskutimeve emri më i pranueshme mund të jetë ‘Republika gorna Makedonija’ që në shqip do të thotë ‘Republika Maqedonia e epërme’.
Propozimet e zyrtarit të lartë të OKB-së, Metju Nimic për emrin e Maqedonisë
1) Republika Nova Makedonija (Republic of New Macedonia), Republika Maqedonia e Re
2) Republika Severna Makedonija (Republic of Northern Macedonia), Republika e Maqedonisë Veriore
3) Republika Gorna Makedonija (Republic of Upper Macedonia), Republika e Maqedonisë së Epërme
4) Republika Vardarska Makedonija (Republic of Macedonia of Varda), Republika e Maqedonisë së Vardas
Ndërmjetësuesi OKB-së, Metju Nimic, ndodhet në Athinë, ndërsa është shprehur se zgjidhja e emrit me Greqinë duhet parë me interes dhe të gjendet një zgjidhje të gjithpranuar nga të dyja palët.
Po sipas mediave greke, dy palët kanë rënë dakord për emrin e propozuar nga Nimic, ndonëse Shkupi dhe Athina kishin propozime të tjera për emrin, por duhet të theksohet se Greqia disa nga propozimet i ka quajtur si të papranueshme, pasi kanë përmbajtje sllave, por ata propozojnë ndërhyrje në kushtetutën e Maqedonisë, në mënyrë që emërtimet mos të mbajnë kuptime në thelb irridentiste.
Ndërkohë duhet të theksohet se Greqia po hedh hapa shumë të kujdesshme në këtë aspekt, pasi një zgjidhje e gjithpranuar ka një interes të madh. Ditë më parë është raportuar se aeroporti i Shkupit do të riemërtohet, pasi emri i tij është i papranueshëm për Greqinë.
