Zgjat pak gëzimi i Miss Turkey 2018, Shevval Shahin. Pas komenteve dhe diskutimeve të shumta në rrjetet sociale se ajo nuk meritonte kurorën e më të bukurës në Turqi, tashmë në media qarkullon edhe një foto e vjetër e saj, e cila provon se e reja ka kryer ndërhyrje kirurgjikale për të ndryshuar imazhin.
Modelja 19-vjeçare Shevval Shahin u kurorëzua javën e kaluar Miss Turkey 2018, por me publikimin e fotos së saj të vjetër, titulli i saj vihet në diskutim.
Operacionet plastike janë në kundërshtim me rregullat e konkurseve të bukurisë, e për më tepër, ndaj Shahin tashmë rëndon edhe akuza e mashtrimit të njerëzve, të cilët kërkojnë heqjen e kurorës, shkruan tvklan.al.
Ka vetëm një mënyrë sesi Shahin mund të shpëtojë kurorën, të provojë se operacionin e ka kryer për arsye shëndetësore dhe jo estetike. Debatet sapo kanë nisur, për rezultatin duhet të presim.
