Kryetari i PDIU-së, Shpëtim Idrizi i ka cilësuar të pazakonta zgjedhjet e 18 qershorit për arsye të konfliktit politik prej 27 vitesh si dhe i ndryshimeve kushtetuese të vitit 2008.
Idrizi nuk i ka ndalur me kaq tonet kritike, por ka shtuar se edhe fushata elektorale është e cunguar.
Ai gjatë prezantimit të kandidatëve për deputet, tha se Shqipëria ndodhet në një skenë të rrezikshme ballkanike, dhe është e papërgatitur për sfidat kombëtare.
Ndërsa kandidatja për deputete, njëkohësisht kryesuesja e listës së Tiranës, Mesila Doda, tha se PDIU-së ka detyrim të përfaqësojmë gjithë ata njerëz, që ende kanë dëshirë të shohin një të djathtë moderne, të fuqishme.
Në mbledhjen e Këshillit Kombëtar PDIU-së prezantoi kandidatët për deputetë në 12 qarqe.
