Deklaratat e Trump që e shpallte veten fitues të zgjedhjeve për President në SHBA, që pak orës pas nisjes së numërimit, nuk u pritën aspak mirë në Amerikë, por mesa duket as në Evropë.
Gjatë gjithë kësaj kohe, zyrtarë të Europës kanë zgjedhur që të mos e komentojnë procesin, por qetësia duket se është thyer nga eurodeputeti dhe shefi i komisionit të Jashtëm të Parlamentit Europian, David Mcallister.
Ky i fundit e ka quajtur të paprecendetë reagimin e Presidentit Donald Trump, i cili kërkon ndalimin e procesit të numërimit duke shtuar se çdo votë vlen. Më tej, eurodeputeti gjerman pjesë e CDU-së së Angela Merkel ka kërkuar që të gjithë palët të pranojnë rezultatin dhe të mos krijojnë trazira pasi të mbyllet procesi.
“Thirrja e Presidentit të SHBA-së që kërkon ndalimin e numërimit të disa votive është e paprecendentë. Ti nuk mund ti mohosh qytetarëve amerikanë të drejtën e votës. Ti nuk duhet të shpallësh veten si fitues të zgjedhjeve ndërkohë që procesi i numërimit është ende në proces, kjo është e paprecendetë. Ne e dimë se çfarë presim nga zoti Trump, por ne gjithashtu e dimë se çfarë nuk duhet të presim nga ai, pasi marrëdhëniet transatlantike janë vendosur në një test të vështirë siç nuk ka ndodhur kurrë më parë në 70 vitet e fundit”, shkruan Mcallister.
