Partia Demokratike ka vendosur të hapë garën për kreun e ri të saj dhe zhvillimin e votimit sipas parimit një anëtar një votë, në 13 qershor.
Vendimi i marrë mbrëmjen e së dielës nga kryesia, afron me pak më shumë se një muaj, këtë proces, i cili sipas statutit do të duhej të zhvillohej në muajin korrik.
Hapja e garës, është shoqëruar me debate në kampin blu, pasi grupimi për PD-në, ka këruar dorëheqjen e kryedemokratit Lulzim Basha, pasi sipas tyre ai është përgjegjësi kryesor për humbjen e zgjedhjeve në 25 prill.
Por, Basha nuk e ka dhënë dorëheqjen dhe do të garojë duke qenë kryetar i partisë, dhe ky fakt sipas kundërshtarëve të tij në selinë blu, krijon një garë të barabartë.
Ndërkohë, Kryetari i Komisionit Zgjedhor për zgjedhjet e 13 qershorit në Partinë Demokratike, Jemin Gjana, ka sqaruar arsyen pse Basha nuk ka dhënë dorëheqjen pas humbjes së zgjedhjeve.
Në një prononcim për mediet, Gjana tha se kreun e PD-së nuk e detyron asnjë statut brenda partisë që të japë dorëheqjen.
”Është debatuar në 2017 në Kuvendi kombëtar të PD nëse duhet të kishte një normë statutore që detyron dorëheqjen dhe nuk është miratuar. Në statut nuk ka detyrim dorëheqje, pjesët e tjera duhet janë individuale.’‘- tha Gjana.
Sa i përket dokumenteve që duhet të paraqesin kandidatët për kryetar, Gjana u shpreh se besoj ka një formular që është përdorur edhe për kandidatët për deputet.
