Nënkryetari i LSI-së, Luan Rama ka ritheksuar këtë të hënë se LSI nuk do të marrë pjesë në zgjedhjet për Bashkinë e Kavajës.
Në një prononcim për mediat, Rama ka dekalruar se këto të fundit kanë rënë pre e një dezinformimi sa i takon kësaj çështjeje.
“LSI as nuk është regjistruar e as do regjistrohet për të marrë pjesë në zgjedhjet e Kavajës. Ky ka qenë një qëndrim institucional dhe transparent. E përsëris se nuk do të jemi pjesë e procesit zgjedhor për Bashkinë e Kavajës”, ka thënë Rama.
Ai ka sqaruar se anëtari i LSI-së që është pjesë e administratës zgjedhore ka shkuar në këtë KZAZ për ta bërë atë funksionale dhe kjo, sipas tij, nuk do të thotë pjesëmarrje në zgjedhje.
Sa i takon zgjedhjeve të përgjithshme, ai ka shtuar se, “angazhimi dhe investimi ynë është të jenë zgjedhje për Shqipërinë e jo për partinë”.
I pyetur për një darkë të zhvilluar mbrëmjen e kaluar Rama-Meta, nënkryetari i LSI ka theksuar se në të nuk është arritur asnjë marrëveshje e re. “Nuk ka thënë njeri se ka një marrëveshje mes PS-së dhe LSI-së”, ka thënë Rama.
