Kandidatët për kryetar bashkie të Kavajës u kanë dhënë një mësim të gjithë politikanëve shqiptarë.
Krahas zgjedhjeve parlamentare, në Kavajë u zhvilluan edhe ato lokale, të cilat u mbyllën me fitoren e kandidatit demokrat, Isa Sakja me vetëm pak vota më shumë.
Megjithatë, mbyllja e procesit të numërimit të votave ka qenë historik, pasi ka përfunduar me një përqafim mes dy rivalëve të fortë, Sakja dhe Muratit.
Pas fitores, Isa Sakja ka dhënë një mesazh për të gjithë qytetarët e Kavajës, teksa tha:
“Faleminderit të dashur bashkëqytetarë! Faleminderit që qëndruat, luftuat dhe më besuat! Ju jam pafundësisht mirënjohës për gjithë angazhimin tuaj në këtë fushatë qytetare që zhvilluam së bashku për një Kavajë për qytetarët e saj, për një Bashki në shërbim të qytetarëve, pa i ndarë ata në të djathtë e të majtë. Mirënjohje!”, tha ai.
Demokratët rikthehen në pushtet në Kavajë pas dy humbjeve radhazi në 2011 dhe 2015.
