Kryeministri Rama ka shpjeguar për ndjekësit e tij në rubrikën “komunikimin Javor” se pas zgjedhjeve të 25 qershorit nuk do ketë më kontestime si më parë.
Rama theksoi se ministrat teknik për të cilët është rënë dakord janë për të kufizuar ndikimin e politikës dhe të shtetit mbi administratën dhe të tjerët se për kë duhet të votojnë. E gjitha kjo, që të mos ketë asnjë ndikim sado të vogël në procesin zgjedhor, tha kryeministri.
“Pas marrëveshjes askush nuk mund të ankohet për mënyrën se si do realizohen zgjedhjet e 25 qershorit sepse të dyja palët jemi përgatitësit dhe monitoruesit e këtij procesi. Nuk do ketë më arsye që të bëhemi gazi i botës në sytë e Evropës për kontestime pas zgjedhore. Bashkëqeverisje në zgjedhje për të siguruar një lojë të ndershme, të gjithë jemi bashkarisht në këtë funksion për të bërë zgjedhje sipas standardeve prej të cilave askush nuk mundet më që të na kontestojë ”, tha Rama
Zgjedhjet në Shqipëri janë kontestuar thuajse gjithmonë nga pala humbëse, dhe gjithmonë është akuzuar qeveria e radhës që ka bërë procesin zgjedhor se i ka manipuluar dhe i ka vjedhur votat. Urojmë që në këto zgjedhje pala humbëse të uroj palën fituese.
