Kreu i PD Lulzim Basha duket se po bën lëvizjet e fundit për të marrë vendimin nëse opozita do të hyjë në zgjedhje apo jo. Pavarësisht deklaratës së një dite më parë se nuk do të futet në zgjedhje pa u plotësuar kushtet që opozita ka vendosur ndaj qeverisë, sot në selinë blu është parë të futet deputeti dhe njëkohësisht kreu i PAA-së Agron Duka, i cili është pritur nga deputeti Oerd Bylykbashi.
Fakti që Duka po bën gati emrat e deputetëve për zgjedhjet e 18 qershorit, tregon se artikulimi verbal mund të jetë ndryshe nga vendimet që do të merren ose Agron Duka do dalë i vetëm në zgjedhje, edhe nëse opozita vendos për t’i bojkotuar ato.
Gjithçka i ngelet vendimit të sotëm, pasi dita e sotme është edhe afati i fundit i regjistrimit të partive në KQZ.
Por, se çfarë do të vendosë opozita, kjo mbetet për t’u parë në vazhdim.
